馬會剛開完周年大會！董事馬計落「高」啲？

馬會周年大會過後，新馬季明天（9.6）開鑼。全日其中6駒均為上季同日勝出馬，當中包括頭場「高感」。此駒馬主是做過馬會主席的名譽董事周永健，本身只曾贏取田草千二，今期報名時打王牌確保上陣資格，反映黎昭昇有心爭取再替幕後打響季度頭炮。
「高感」上季同日排外檔出閘後上贏四班同程，周日跑低1班仍排外檔，配搭由潘頓換上艾道拿，分頭自然更佳。至於黎昭昇上季開鑼即起孖，表現進取，而「高感」埋門亦曾試草閘提升狀態，陣上演出值得期待。