寫下波馬雙W神話，係佢！

足壇盛事世界盃雖然要四年後再見，但馬會宣傳盛事成功兼「貼中」冠軍，永留佳話。話說7月8號夜戰，「哥倫布」騎師穿上西班牙「綵衣」出戰輕鬆勝出，呢個強勢加持，令好多跟風客買中西班牙奪冠。瑞郎哥係加注贏波一分子，自然對方廐寶貝馬「哥倫布」念念不忘，此馬今回升班遇強手，你敢買否？
周日係甲辰日，玄大師觀五行術數，是日金火氣重，而「木」帶來生機，「土」是財星。講到「哥倫布」，實力未見底，方嘉柏正好有木、土氣場加持，隨時又有一兩匹突擊成功。
論到生肖，大師話雞、鼠、猴最旺財。吼肖雞福將，先睇潘明輝同姚本輝。前者有「極上紗瓏」，碰上姚廐「扶搖勢勁」孭重飛，同場仲有「興馳千里」叫座力強。瑞郎哥來料，話「極上紗瓏」由於排大外檔，如果前段唔夠搶，會嘗試後上殺敵！
肖鼠鍾易禮剛剛「開心五月」閘前起飛，輸到反皮，呢期要把握天時地利轉運。瑞郎哥話先睇第五場，猴王東「砂漿麒星」為小鍾帶來黃金機會；緊接下來第七場「何方來聲」都有聲氣，初出即搏。
塔羅小姐啲牌好勁，上次又點出「星辰千帥」爆冷，我少林仁服咗佢。今期佢抽三張牌占卜，順序係「權杖八」正位、「星幣五」逆位同「寶劍騎士」正位。特别留意尾牌，你估呢個騎士末段走出來，係救駕定劏人？
首張權杖牌含火元素，象徵火速進行，成功上位。塔羅小姐解讀為，馬名含有火光、飛速之意思，會佔上風；明輝、明紹、明綸三位騎師，你猜誰最光明？小仙女話格外留意五場「和光同麈」，係「砂漿麒星」勁敵！
至於尾牌寶劍騎士，可配合尾場「哥倫布」，守護佢「名揚四海」。