某君圍威喂 閃電閃光閃到底

生肖屬雞，連續幾期都當時得令，上期姚本輝又贏兩W，幾乎再做練馬師王，今回仲旺唔旺佢？睇埋天干地支先。
周日係壬申日，五行以金、水偏旺，玄大師話正好以土、火來平衡氣場，增強運勢。例如第五場，土氣強之馬有「盈俊天下」，火旺馬有好幾隻，大師話「電」屬火，分別有「電子好好」同「閃電奇駿」，瑞郎哥話當中「閃電奇駿」較吸引，潘頓為騎呢隻，特別要keep住體重，忍口忍得好犀利。
講番旺門生肖，雞依然上榜，其他有猴、鼠、龍。肖雞旺人除咗姚本輝仲有潘明輝，兩人本身又有「火」加持，後者適逢「嘉應」系拉隊出擊，佢佔到件當銳嘅「嘉應奇兵」，要好好把握咯。
肖龍旺人有周俊樂、袁幸堯枕住贏，後者獲希斯睇起，「星球勇士」都益埋佢，睇吓是否又一次氣走潘頓？另外梁家俊拍住「佰勝金龍」出晒位，今回升班遇強手，實冷啦，瑞郎哥叫小心，就係博你唔信邪，又嚟！
肖猴練馬師有東、廖、賢，而騎師有班德禮，後者經常受忽視，屢放冷箭。今回班之餐士馬，除咗之前提過嘅「電子好好」，仲有三場「君達得」，換人由熱變冷，小心「圍、威、餵」，益咗丁冠豪。
塔羅小姐三張牌，係「戰車」正位、「命運之輪」正位及「寶劍騎士」逆位。首牌代表駕馭、衝刺、有意志力，佢話祝「君」好運。第三場要「君至酷」定「君達得」？自己揸主意。
結合三牌，寶劍一「閃」，暗黑轉光明。小仙女話二場「光明傳承」你未必敢博；五場有兩匹「電」、三隻「光」，亂局，若然賽果真係有齊閃、電、光，唔怕睇埋八場「閃光燈」及尾場「閃電小子」。