天王也偷雞 扶堯幸有您

閘前屢屢出現「熱門爭奪戰」，算唔算歪風邪氣？見仁見智，但公眾熱門臨尾失去大熱位置甚至變半冷，數據話你知九死一生，捧場客只能呻笨。相反，少人提點而突然大熱之馬，往往不中亦不遠，「正義波」就係鮮明例子，臨場搵食，反應慢D都唔掂。
谷草日馬，落飛搶錢格局依舊。是日己卯，玄大師話五行利水、金，同上期有啲似，字面有「三點水」之馬要先秤一秤，此外「金字邊」亦要留神。大師先講兩場心水，第八場先選「江江彩彩」同「好評如潮」，單Q唔出奇。另外，遲早爆一鑊之馬，係二場「文采風流」。
旺門生肖有豬、羊、龍、雞。瑞郎哥都屬龍，所以特别有感覺！佢話肖羊方嘉柏手馬有料到，閒閒地跑三幾隻出嚟，當中第四場「超強六十」可追多次。瑞郎哥補充，此馬上季健康唔穩定，經常有頭冇尾，今季好番晒，馬房順勢部署添食，配小龍女袁幸堯恃旺出擊，12檔太差？反正都要鬥後勁，唔驚得咁多。
講開小龍女，座騎越來越多，例如第七場盃賽，1、2、8、9號馬都畀佢騎過，今回趁潘頓停賽，師傅姚本輝(肖雞)順勢扶搖徒弟，「扶搖勢勁」好大餐士，消息話唔怕「興馳千里」，最怕「幸運有您」。
羊騎師有雙艾，近期罕有艾道拿旺過艾兆禮。後者今次想翻身，尾場「繼往開來」好大贏面。誰來偷佢雞？大師提醒，肖雞潘明輝「包裝天王」也。
塔羅小姐有乜好路數？佢抽首張牌「戰車」正位，寓意「駕馭兩股相反的力量」，配合埋「星幣騎士」逆位及「命運之輪」正位呢兩張牌，佢靈感係問：信學問定信天命？
如果信學問，小仙女話二場有「大文豪」及「文采風流」。如果信天，天字馬可取，例如「勤德天下」、「皇龍天將」、「天福」都唔錯。大師提過嘅「包装天王」亦吸引。