量子猴王谷閘仄準

告東尼今季曾將「嘉應勇將」及「牛精新星」突然增程跑谷草一哩，兩駒賽前均曾試1700米谷閘，而且走勢均不俗，今次將第二場「量子猴王」作同一部署，翻查試閘紀錄，此駒上季尾試過1000米谷閘，該閘前速不夠快留在後列，末段力騎走勢稚嫩仍追上跑第三，該閘轉彎時走規則順暢，證明谷草性能不俗。今季試1700米谷閘二叠望空跟放，轉入最後直路時走勢尚可，力騎保持走勢力拒對手贏閘，初試一哩閘表現不俗，血統有一哩能力，排五檔應不會像廐侶搶放落敗。

第八場「定風波」向來試閘都展現飛快前速，今季首次谷閘安排試1000米閘，加眼罩外檔起步搶放，轉入直路前走勢順暢，只是放得太快末段力弱，被「星球勇士」追過跑第二，證明谷草亦合，上次泥地1200米與「致力之城」鬥燒落敗，轉戰谷草1000米應可變身。

第四場「皇龍天將」與前駒同組試閘，入直路加速追上跑第四，睇走勢谷草甚適應，今次轉場排一檔屬機會份子。