揭秘！方廐吉祥馬 逢出搵大錢

周三為壬午日，天干壬，地支午，水火相剋，玄大師拆解五行格局，口訣係「水生木，木生火」，加持水、木最吉利；黑、藍、綠色最旺財。講到「水」，係人都識揀「細水長流」，但講到人，大師話勿忽略一梁一沈，兩人俱有水有木，咁啱佢哋有合作，四場「銳不可當」啱唔啱你心水？
旺門生肖有羊、虎、狗。「羊將」當中，有方嘉柏同雙艾最多實力馬；虎有希斯同金誠剛；肖狗潘頓復出又得米。
瑞郎哥話谷夜梗要吼實方嘉柏，特别係佢隻吉祥馬「觀眾之力」每逢出場，例必「擺陣」大出擊，就以此馬上賽10月7日為例，方家軍一夜擸2W3Q，犀利；再對上一次係上季，同晚方廐3W！今次方廐五場「飛龍在天」同七場「相映紅」都想郁，注意臨場風吹草動。
其實方家軍點只牌面幾隻馬？堯、弘、奥、霍、度都係佢愛將，線路廣濶，當中大千系馬「大千赤風」雖在廖廐，亦自己友，近期加罩試好閘，我少林仁睇佢呢晚在第三場會郁手。
老虎希斯拍住潘頓，第五場「包裝醒目」成焦點，瑞郎哥話來料好勁，希望唔好賠率過低啦。連同「飛龍在天」及「銳不可當」，呢場QT有眉目。
塔羅小姐有乜好路數？佢抽出第一張牌係「權杖五」正位，跟住係「星幣騎士」逆位及「月亮」正位。
頭牌顯示多路爭權惹混戰，美女得來靈感：誰是寵兒，誰平天下？佢話要捧女騎師同女馬主嘅場！
二牌顯示多變數，尾牌顯示添迷霧。小仙女話奇怪，字面指向質新馬或初出馬：欲想解迷，要靠「醒目」還是「醒眼光」？遇上迷霧，要尋找「何方來聲」，抑或搵「偵探之神」來破案？且看「觀眾」如何解讀破局。