徐廄從化開倉即狂操機

徐雨石今季重新設立從化倉，開鑼日四匹出賽馬都曾在從化做工夫，而且都至少做過10課水中步行機，其中第十場「鑽石星空」(上圖)上季4月6日落敗後被發現氣管多血，6月開始在從化唞暑，7月19日用水中步行機復課，8月晨課後多數都會用水中步行機，賽前共試過27次，回看8月24日從化1000米草閘，末段鬆住走追近跑第二，可見水中步行機對馬匹有效用，今日復出跑三班1200米有權殺晒。
游達榮亦是擅用機器操馬，第五場「光年程祥」是例子之一，上季谷草煞科戰落敗後，休息八月開始用水中步行機復課，8月晨課之後近乎每日都用水中步行機做Gym，而且此駒轉游廐後首次登山快跳及踱步，8月20日更由周俊樂在從化親自快試，可見馬房對牠相當重視，賽前試閘自動追上贏閘，今次跑1200米可交代。