「蓮」續兩季初出即「冠」？

周三(9.23)谷草九場夜賽，「蓮冠皇」將出戰三班1200米，此駒上季首戰即於同程並在希威森胯下輕勝，今次再作季內首戰，原裝配搭出戰贏馬途程，又有機會再響頭炮。
「蓮冠皇」上季最後一戰後隨即北上從化，暑假後復課快工夫未停過，9月7號希威森亦北上替此駒試課1200米草閘，全程㩒實冇乜點都手，最後第三名過終點，姿態亦是頭三駒中最輕鬆，今個星期三要留意。