四班千二潘頓「特」別「神」勇

潘頓開季至今次次有頭馬見面，而出戰谷草四班1200米更重未甩拖，三匹座騎包括「官金騏」、「烈焰光芒」及「競駿非凡」全勝，今個星期三又有第二場「比特星」及第四場「快樂神駒」兩匹同類列陣，前駒上季曾三次在潘頓胯下跑第二，季內已有過熱身，加上潘頓超磅都肯，一定要留意。
「快樂神駒」上季由霍宏聲搏足半季依然未有突破，今次用上潘頓求開齋心意明顯，此程亦有兩次入Q紀錄，有權在潘頓胯下變身。