將傲轉谷草出頭

今日有三匹初跑谷草而賽前曾試過谷閘，第九場「嘉應傳承」23年仍未在港出賽時已試過谷草1200米閘，惟當時仍未適應。24年3月試1700米谷閘為當年打吡做準備，「嘉應傳承」跟守前列三、四位，轉彎走三叠加速走勢暢順，直路力騎跑第二，不敵後上的「直線力山」，已經證明啱跑谷草。「嘉應傳承」上季在田草常追近而未贏，落班轉場可取突破。

第四場「將傲」初出前已試過谷閘，當時起步有甩漏，轉彎於內叠走規尚可，直路移出二叠衝刺但反應一般落敗，血統出自「小法寶」，不少同父馬均為谷草專家，有力證明「將傲」谷草啱跑，加上最近試閘直路一度追過「快樂神駒」後被反先，似乎衝程不長，加上馬房近年主攻谷草，轉場應可出頭交代。

第六場「領航多財」初出前加眼罩試谷草1000米閘但走勢未熟，直路鞭騎欠佳大敗，惟血統適合跑谷草，全熟後跑谷草應有睇頭。