潘頓會否接手祝願未確定？廖康銘有親戚探班

布文已決定接受手術治療髖部問題，那麼他一直主理的「祝願」會由誰接手，現時就是一個疑問？今早(9月25日) 「祝願」馬主車曉紅和唐獻芳都有到場睇此駒出試泥閘的情況，睇完試閘後，二人都表示由那位騎師接手「祝願」留待廖康銘決定。

「祝願」將出戰10月19日舉行的1600米G2沙田錦標，而近兩次試閘牠都已由潘頓出試，不過潘頓仍未決定是否會騎「祝願」出賽。今周日潘頓將會騎「小鳥天堂」出戰G3慶典盃，相信他有機會視乎此馬表現，才會決定之後會否接手「祝願」，若然「祝願」不是由潘頓接手，那麼邊位騎師可幸運地接手此馬，就有待日後分曉。

至於「祝願」今早在潘頓胯下試1200米泥閘，最終後上勝出試閘，表現不錯。

另外，今早廖康銘身邊多了四位外籍人士，廖康銘表示有兩位親戚和兩位朋友來港探望他，而他亦一盡地主之誼，今早帶他們參觀沙田馬場兼晨課。既然有親朋好友來港，相信廖康銘在今周日沙田賽事亦會全力爭取頭馬，務求在人前威威。