運氣返晒嚟！老撾系有磅賺唔做大嘥鬼

上季至少有「波」系及「老撾」系，淪為弱勢品牌，各自全季僅交出一W。其中「老撾」系苦戰至七一回歸日，始憑由桂福特接手的「佛亮老撾」，趕及在煞科前打破整季悶局。
幕後今季隨即轉運，早在9月13日已靠「快樂老撾」打開季內勝門，連帶該駒也首嚐勝果。此駒當時評26分贏五班千四開齋，姿態有餘未盡，賽後被加6分幅度恰可。周日（9.27）於第三場再戰同班同程，只多負上次4磅即124磅，條件有利，排9檔繼續留前鬥後，連捷機會樂觀，可助巫廐達至6連勝保持新季不斷纜。