何澤堯歐洲行體驗豐富！期待新季來臨再搏殺

何澤堯今年身為香港隊隊長參戰英國識價盃，雖然未有頭馬進帳，但始終坐騎實力一般，不過他仍可騎20倍冷門「金星豪傑」得第二，騎17倍「歌影芳華」跑第四，為香港隊貢獻分數。

賽後何澤堯表示今年參賽與2019年時當然不同，因為當年是落大雨，今年就場地乾快，而當年身為世界隊，今年就身為香港隊，拍住兩位熟人上陣，當然更好，是一個非常不錯的體驗。

現時完成識價盃後，今日(8月8日)何澤堯就會飛到法國多維爾馬場，騎「霸圖星」跑1000米表列賽圓環錦標(今日香港時間晚上11時15分，S3-5場次)，何澤堯表示完成法國賽事後，他就會飛去愛爾蘭為古摩亞岳伯仁操馬，之後會再飛返法國多維爾上陣。

至於今年在英國，何澤堯表示自己就去到韋利安馬房操馬，之前去古活馬場上陣，本應希望可爭取更多坐騎出賽，可惜出賽馬一早已卜好人選，所以較難取得坐騎上陣。

另外，對於剛季香港表現，何澤堯表示可算中規中矩，始終自己由一個嚴重傷患康復再次上陣，要時間適應，去到季尾成績才好一些，而自己就非常期待新季來臨，現時來到歐洲希望體驗多一點，然後返香港繼續搏殺。