季初搵到撒手鐧！伍鵬志出呢批貨再駁纜

日、夜馬各跑了兩期，分別完成20及16場賽事。當中日馬有4個倉主未斷纜，包括巫偉傑、伍鵬志、希斯和沈集成，夜賽未斷纜馬房，則有方、伍、巫廐。

有網民指伍鵬志（上圖）上季離巢馬多，今季大打爭氣波，亦有指其新季田戰頭馬「同有運」、「金駒永騰」，均較當初起步時低了20分以上，後駒更由80分跌到40分，贏馬反彈是讓磅制度下必然產物。

縱觀下周三（9.23）谷草夜賽，伍廐有5匹報名正選馬，當中正好包括「金駒永騰」（下圖），6歲巴西PP勝後加7分至47分，仍較在港起跑線低33分，隨時借勢再贏。至於「藍地球」少上季贏馬時7分，9月9日已作復出熱身，下周三再戰勝程谷草一千，應有一番作為。